شكر الله سعيكم
أكيد كلنا فرحنا لما سمعنا إن الرئيس مبارك فتح معبر رفح لمصابى غزة
بس للأسف
ده محصلش غير لمدة يوم واحد بس وبعد كدة اتفقل المعبربسبب تصريح الرئيس مبارك بإن معبر رفح لا يمكن فتحه فى غياب المراقبين الاوروبيين
وبعدين استقبلنا فى مصر فى يوم فتح المعبر حالات كتييييييييييييير جدا من المصابين فى معهد ناصر بالقاهرة
ومستشفى العريش العام
وأتم الأطباء المصريين دورهم على أكمل وجه
دلوقتى بقى
القوات المصرية على الحدود بتعترض طريق 10 سيارات مساعدة لأهالى غزة من العبور من معبر رفح
طيب تيجى ازاى ------------وايه التناقض ده
المهم
انتوا عارفين ان عدد الشهداء فى غزة وصل إلى 390 شهيد و1800 جريح
شوفوا بقى الإستفزاز ده
صرح سفير اسرائيل فى غزة أن تواصل الهجوم على غزة يعتبر نقطة من ألف نقطة مخطط لها من قبل
كما ان الغارات الاسرائيلية على منطقة رفح جنوب قطاع غزة يمتد أثرها إلى داخل الحدود المصرية
فما معنى هذا التصريح؟
الحدق يفهم----------والدور علينا يا بشر
بصراحة الاتحاد الأوروبى عمل اللى علية ودعى إلى توقف إطلاق النار على غزة
تفتكروا هو ده الحل
أكيد ده معناه عجز عربى رسمى عن صد العدوان
وهو ده هدف اسرائيل حتى لوكان العدوان فى غزة لوحدها
بس برضوا قادرين ينشروا الرعب على مناطق الحدود وأولها مصر
ودلوقتى حكام العرب الله ----يكرمهم ---- بيقوموا بدورهم
دول حتى بيحاولوا انهم يعملوا هدنه مع اسرائيل لمدة 24 ساعة
ربنا يستر
هناك 13 تعليقًا:
اول تعليق
بصى يعتبر كلام ده يا سحورة ملخص للى بيحصل دلوقتى
وبنسبة لمعبر رفح اللى هما قافلينو ده احنا لو عرب بجد
كنا دخلنا واقتحمنا كمان ووصلنا المعونات لاخواتنا
روحى ذاكرى ياختى الامتحان يوم التلات
كل سنة وانت طيبة ده أولا
ثانيا الي بيحصل في غزة دي جزرة ومأساة ريسنا الله يخذله زي ما خذل أهل غزة قفل المعبر وقال لا ومش عارف ايه وكلام فاضي كده
النصر لغزة جي جي بس يا حسرتي احنا الي هنتسأل ومش هنلاقي جواب لما ربنا يقلنا عملتلهم ايه
مودتي وكمان مرة كل سنة وانت طيبة
ربنا يستر ويرحمهم برحمته وينصرهم
كل سنة وانت طيبة
ماشى يا مشمشه خليكى كل شوية فكرينى بالامتحانات
هوانتى فاكرانى ناسية
بس ادعيلى من قلبك وهبقى اسلفك المسطرة زى كل مرة
هههههههههههههههههههه
كاتب مصرى
انا بشكرك على تعليقك وياريت تشرفنى دايما
وكل سنه وانت طيب
ملحوظه صغنونة:
ادعيلى علشان الامتحانات
الله يخليك
أدعيلك من قلبي يا ستي ربنا ينجحك ويوفقك وتجيبي أعلى الدرجات وتقدير امتياز كمان
بس انت مش ملاحظة انك متحاملة ع الرجالة شوية في تعليقك عندي في مدونتي يعني والله أنا مش كده ليه بتقولي متسلميش قلبك إلا بعد الجواز مش كل صوابع ايدك زي بعضها
عموما خير ربنا ييسر
يا أستاذ كاتب مصرى
اللى قلتة حقيقة ولا لا؟
وبعدين فعلا مش كل الرجالة زى بعضهم
وانت اجدع واحد ياسيدى متزعلش ومتقارنش نفسك بالباقى
وكويس انك دعيتلى ربنا يتقبل
الان ان نصر الله قريب
النصر ات ات
ان اجلا او عاجلا
تقبلى مودتى وتحباتى
الله يرحمك يا عم نجيب سرور
قالك
لو طبوا بكرة اليهود يا مصر وخدوكي
والله .. ما هيشيلوا من فوق الكراسي حد
هيسيبوا مين يحكمك الا اللى باعوكي ؟
وقدم سبت تلقى الحد !!
اية يابنتى الكلام الجامد ده
داانتى طلعتى صحافية بجد
كل سنة وانتى طيبة
توم
ماشى ياستى يارب اكون عجبتك
علشان بس تعرفى
عموما انا فرحانه انك عرفتى توصلى
وكل سنة وانتى طيبة
والله يا كوارث انا حاسة ان الكراسى هى اللى تعبانة
شكرا انك نورتنى
وكل سنة وانت طيب
بجد من كلامك باين انك صحفية
دة اول زيارة الت اردلك الزيارة
واتمنى اني اردها كتير
كل ما تيجي عندي
اما بالنسبة للموضوع
بجد جامد
ان شاء الله ربنا هينر كل مظلوم على كل ظالم
وبجد فعلا انا بستغرب ةلاسرائيل ده هما ليه مش عيزين يسبونا في حلنا
بالها الحر من امتى على فلسطين ولسة منتصروش ومش هينتصروا باذن الله بس المهم ان احنا لازم نساعدهم وللاسف مفيش حد بيساعد ليه خيفين من اسرائيل
لا حول ولا قوة الا بالله
إرسال تعليق