للفالحين فقطحل مشاكلك ومشاكل الجيران والساكنين على أول الشارع كمان مع كلام بكلام بس انت اتصل على ...........
إلى هنا ينتهى الإعلان فيلح طفل على والده (هتثل يا بابا يمتن أتسب ) يقصد طبعا ( هتصل يا بابا يمكن أكسب )
ويوافق الأب المسكين أملا فى تغيير الحال ويفاجأ بالفاتورة التى ترفع حرارته إلى التسعين
ويبدأ النكد والقهر على المصروف من تانى ويخلص الراتب قبل ما الشهر يبدأ
ويا حيييييييييييييييييينى عالمواطن الغلبااااااااااااان
ليه دايما بنمشى ورا الوهم والسراب وبنشترى وجع الدماغ
ودلوقتى بقى وعلى غرار مسلسل النصب ولكن فى شئ من الفكاهة والمقالب بيعملها الناس فى بعض
يعملوا انهم شركة كبيرة وان صاحب الحظ الكسبان هو اللى هما بيكلموه وتتم المكالمة بنجاح لدرجة ان الطرف المضحوك عليه بيكون صدق فعلا ويبتدى يسأل امته هيستلم المبلغ
انا بيتهيألى الشعب المصرى المنحوس المفروض يعرف ان حظة مفيش أحسن من كده(بالعكس طبعا)وميعديش عليه لعب العيال ده
أنا بيتهيألى لو حد عملها فيا حتى ولو كانت بجد يا إما هقفل الخط فى وشة بعد سيل من اللعنات
يا إما هخده على قد عقله واكمل للآخر وافهمه أنه يا عينى وقع فى الفخ مع أكبر منحوس فى العالم
هههههههههههههههه
بيقولوا الشعب المصرى أذكى شعب فى العالم
عايزة أعرف لما حد يفضل قاعد قدام قناة بتجيب سؤال كل 3 أيام والسؤال ولا أتفه من كده (أم مريم عندها4 بنات خوخة ومشمشة وتفاحة يبقى اسم الرابعة ايه)ههههههههههه موزة
ولا اسمعوا دى (اسم ولد من أربع حروف لو شيلنا النقطة من أول حرف يبقى حاجة بنلبسها فى الصوباع)خد بالك بتبقى دهب وأحيانا فضة ..........ايه لسه معرفتوش ههههههههه ذبلة
وتتوالى الاسئلة التى تبين الجهل وعلى الملأ
السؤال يطرح نفسه هنا إلى متى سيستمر مسلسل النصب على المواطن الغلباااااااااااااان أوى ؟؟وإلى من يذهب ربح هذه الإعلانات وبيع الوهم على الناس
السؤال يطرح نفسه هنا إلى متى سيستمر مسلسل النصب على المواطن الغلباااااااااااااان أوى ؟؟وإلى من يذهب ربح هذه الإعلانات وبيع الوهم على الناس
يا خساااااااااااااااااارة يا بلد
هناك 4 تعليقات:
تصدقى انا قعدت افكر فى حل اسم الولد .. اصلى قريتها فى الاول بتتلبس زى الجزمه .. و بعدين قلت لا دى بتقول فى الصوباع و ساعات دهب و فضه
بس انا عرفت الحل .. ممكن استلم الجايزه بتاعتى ؟؟
che
ايه الحل يا فالح أوعى تكون زيى من الفالحين اللى بيتابعوا النشاطات الاجرامية دى
طب والله لابلغ أمن الدوله يدوك الجايزة
وما أدراك ؟؟؟؟
ههههههههههههههههههههههههه
فكرة جميلة انك كتبتى موضوع مثل هذه الكليمات ...بس المشكله مش فى الكلام النتى كتباه المشكلة كم واحد فلاح يعرف يوصل الى كليماتك ...؟وشكرا ياأستاذة
شاعرنا الحزين
أنت انك ممن وصلوا إلى كلماتى لذلك لك ألف شكر وتقدير
والفالحين كتير
شكرا لمرورك الكريم
إرسال تعليق